Меган првпат се огласи по бегството од кралското семејство: Единствено погрешно е „да не кажуваме ништо“ ВИДЕО
Поранешна членка на кралското семејство на слобода испраќа уште посилни пораки до младите луѓе, така што војвотката им испрати порака на учениците од нејзиното поранешно средно училиште која ќе ја памти до крајот на животот.
Меган Маркл им се обратила на учениците во нејзиното старо училиште, а за време на ексклузивното јавување таа ја искористила можноста и самата да испрати силна порака. Меган се осврнала на убиството на Афроамериканецот Џорџ Флојд, а она што таа особено го истакнала е дека единствено погрешна работа е „воопшто да не кажуваме ништо“.
Војвотката од Сасекс истакна дека неговиот живот е важен, нејзината силна порака одекнала во нејзиното старо средно училиште „Immaculate Heart High School“ во Лос Анџелес каде во моментот живее со принцот Хари и синот Арчи.
– Не сум сигурна што би можела да ви кажам, а да има тежината што ја заслужува. Имам голема трема додека го зборувам ова, но единствено погрешно е да молчиме за тоа. Сакам да истакнам дека сите овие животи се важни, и оние чии имиња ги знаеме и оние чии имиња не ги знаеме – додала таа во емотивната порака.
– Сега повторно мораме да се изградиме, и знам дека многу луѓе ќе речат: „Колку пати ќе треба да го сториме тоа?“ Онолку колку што е потребно – продолжила Меган, која во разговорот им дала надеж на сите за подобро утре.
– Вие сте тие што ќе се водите со љубов и сочувство и ќе го кренете вашиот глас похрабро. Користете го и посилно од порано. Мора да бидете вооружени со емпатија за оние кои не го гледаат светот на ист начин како вас, бидејќи вие сте отворени кон различностите како и вашите наставници во „Immaculate Heart High School“ – истакнала таа.