МАСК ОСТРО ГО КРИТИКУВА ТРАМПОВИОТ ЗАКОН ЗА БУЏЕТ Тој е одвратен, ја води Америка во банкрот
Законот сега доаѓа пред Сенатот, каде што веќе почнаа да се појавуваат поделби - иако републиканците имаат тесно мнозинство. Трамп и републиканците во Конгресот поставија рок до 4 јули за донесување и стапување во сила на законот.
Илон Маск жестоко го критикуваше законот за даноци и владини трошоци на американскиот претседател Доналд Трамп, нарекувајќи го „одвратен изрод“.
Буџетот – кој вклучува трилиони долари намалување на даноците и зголемени трошоци за одбрана, а воедно ѝ овозможува на федералната влада да се задолжи повеќе – беше усвоен во Претставничкиот дом минатиот месец.
„Жал ми е, но не можам повеќе да издржам“, напиша на X најбогатиот човек во светот, чија соработка со Трамп штотуку заврши и додаде: „Овој огромен, скандалозен и клиентелистички закон за буџетот е ужасна гнасотија. Срам да им е на оние што гласаа за него: знаете дека грешите. Го знаете тоа“.
I’m sorry, but I just can’t stand it anymore.
This massive, outrageous, pork-filled Congressional spending bill is a disgusting abomination.
Shame on those who voted for it: you know you did wrong. You know it.
— Elon Musk (@elonmusk) June 3, 2025
Ова се неговите први јавни изјави против Трамп откако ја напушти администрацијата, иако претходно го нарече законот „разочарувачки“.
Се проценува дека законот во неговата сегашна форма – кој Трамп го нарекува „одличен, прекрасен закон“ – би можел да го зголеми буџетскиот дефицит, односно разликата помеѓу владините трошоци и приходите, за околу 600 милијарди долари во следната фискална година.
Во серија објави на X во вторник, Маск го нарече законот „скандалозен, полн со непотребни трошоци“, кој „драматично ќе го зголеми веќе огромниот буџетски дефицит на 2,5 трилиони долари (!!!) и ќе ги оптовари американските граѓани со неодржлив долг“.
It will massively increase the already gigantic budget deficit to $2.5 trillion (!!!) and burden America citizens with crushingly unsustainable debt https://t.co/dHCj3pprJO
— Elon Musk (@elonmusk) June 3, 2025
Портпаролката на Белата куќа, Каролин Ливит, рече дека „претседателот веќе знае каков е ставот на Маск за законот“.
Законот сега доаѓа пред Сенатот, каде што веќе почнаа да се појавуваат поделби – иако републиканците имаат тесно мнозинство. Трамп и републиканците во Конгресот поставија рок до 4 јули за донесување и стапување во сила на законот.