ЛАЖНО ВЕТУВАЊЕ ИЛИ НЕДОРАЗБИРАЊЕ? Косовскиот заменик-министер за правда најави дека утре ќе ги посети осудените за „Диво насеље“, а нашиот демантира
Косовскиот заменик-министер во синоќешното интервју за телевизијата Т7 рече дела по воспоставената комуникација со Министерството за правда на Македонија добил дозвола да ги посети затворениците осудени во „Диво насеље“, пренесе Сител.
Откако денеска се појави информација дека косовскиот заменик-министер за правда Блерим Салаху утре ќе ги посети осудените косовски државјани во случајот „Диво насеље“, македонскиот заменик-министер за правда Агим Нухиу ја демантираше таквата информација и рече дека со косовскиот колега утре ќе го посетат затворот „Идризово“, но не и затворениците.
Од друга страна, пак, косовскиот заменик-министер во синоќешното интервју за телевизијата Т7 рече дека по воспоставената комуникација со Министерството за правда на Македонија добил дозвола в четврток да ги посети затворениците осудени во „Диво насеље“, пренесе Сител.
– Како Министерство, имајќи го предвид Законот за државјанство, во кој се нагласува јасно дека државјанинот има тесни врски со државата, ние имаме обврски кон државјаните на Косово. Имаме потврда од македонскиот заменик-министер за правда дека можеме да ги посетиме затворениците во четврток. Ќе ги посетиме, ќе ги видиме условите, потоа ќе преземеме мерки, како што е испраќање дописи до тамошната влада за да создадат подобри услови – рекол Салаху.