Кога наместо скопски смог ќе ви замириса лаванда…
„Заштитен знак на 'Китка дарови' е лавандата, билката со која ја почнавме нашата приказна, а есенција на нашиот бренд е невенот, чии цветови ги користиме во речиси сите наши производи“, вели нашата соговорничка Бојана Ѓуровска која поголемиот дел од годината одгледува билки на семејниот имот во Годивје, а во зима го дише скопскиот смог опкружена со аромата на билките од кои таа и нејзиното семејство ги прават своите ароматични и органски производи.
Нашата соговорничка Бојана Ѓуровска, со семејството, последните 4-5 години живее на релација Скопје – Годивје, поминувајќи многу поголем дел од годината на втората, отколку на првата локација. Во Скопје Бојана работи во авторска агенција, а во Годивје – на нива.
Имено, таа и нејзиното семејство таму се занимаваат со одгледување билки кои потоа ги ‘пакуваат’ во чаеви, тинктури, креми, но одгледуват и прават и други нешта и полни се со идеи за нови предизвици. Се разбира, за ова е делумно заслужно токму убавото Годивје бидејќи, како што вели Бојана, животот во природа позитивно влијае на здравјето, и физички и ментално и духовно, а работата на нива, со билки – е медитација, додека пак престојот на чист незагаден воздух е непроценливо богатство.
Нивната приказна започнала со купување на семеен имот во регион кој остава без здив со својата недопрена природа во еколошки најчистиот предел на Југозападна Македонија.
Целиот текст прочитајте го на порталот „Арт кујна“.