КАНЈЕ ВЕСТ И БЈАНКА ЦЕНСОРИ ЗАВРШИЈА ВО МЕНТАЛНА КЛИНИКА Неделно плаќаат 170.000 долари?

Ексцентричниот музичар Кање Вест и неговата партнерка, архитектката и модна икона Бјанка Ценсори, повторно се најдоа во центарот на медиумските шпекулации — овој пат не поради облеката или изјавите, туку поради наводен престој во ексклузивен рехабилитациски центар на Балеарските острови.

Како што пренесуваат странски извори, двојката била забележана во луксузната клиника „The Balance Rehab“ во Мајорка, Шпанија, институција специјализирана за ментално здравје и третман на зависности, позната по тоа што нуди дискретност и високо ниво на услуга за своите клиенти. На 17 јуни, Вест и Ценсори наводно ја поднеле пријавата за прием, при што еднонеделен аранжман таму чини речиси 170.000 долари.

На официјалната страница на центарот се вели дека тоа е „место за душевно прочистување, каде што клиентите можат да го пронајдат својот внатрешен мир, далеку од очите на јавноста и од секојдневниот притисок“.

Во тимот на клиниката има интернационални стручњаци, вклучувајќи психијатри, терапевти и нутриционисти, кои нудат индивидуализирани третмани на високо ниво.

Иако причините за нивниот престој не се потврдени, се шпекулира дека може да се поврзани со правните проблеми на Вест – особено тужбата за незаконско отпуштање поднесена од поранешниот соработник Бенџамин Прово.

Наводно, судски документи покажуваат дека Вест бил присутен во клиниката во деновите пред поднесувањето на жалбата, што објаснува зошто се повлече од медиумската сцена.

Иако ниту Вест, ниту Ценсори досега не ја коментирале оваа информација, јавноста останува фасцинирана од секој нов потег на овој нетипичен пар, кој секојпат успева да го привлече вниманието – било со необични модни изданија, било со неочекувани животни избори.