ИЗБОЛ ДО СМРТ ЧЕТВОРИЦА, ПА ГО ЗАСТРЕЛАЛЕ Напад со нож во Вашингтон, САД
Осомничениот бил застрелан и убиен од полицаец кој реагирал за време на нападот, потврди полицијата.
Четири лица се убиени во напад со нож во западната држава Вашингтон, според американските власти.
Канцеларијата на шерифот на округот Пирс соопшти дека вчера наутро добиле извештаи „дека маж боде луѓе“ пред куќа во близина на Гиг Харбор, југозападно од Сиетл.
„Имаше четири починати лица, вклучувајќи го и 32-годишниот осомничен маж, а петтата жртва веднаш беше пренесена од противпожарната служба на Гиг Харбор, а подоцна им подлегна на повредите“, се вели во соопштението на шерифот.
Осомничениот бил застрелан и убиен од полицаец кој реагирал за време на нападот, според портпаролката на полицијата Шелби Бојд.
Истражителите веруваат дека инцидентот е поврзан со случај на семејно насилство. На 32-годишникот наводно требало да му биде изречена „наредба за забрана на контакт“.
Истражителите првично не објавија никакви информации за идентитетот на жртвите.