ИНСПЕКЦИЈАТА ОТКРИЛА ЗЛОУПОТРЕБИ НА КАРДИОХИРУРГИЈА Меџити вели дека не е задоволен од доктор Јовев како менаџер
Во стручноста на професорот Јовев не навлегувам, во случајот станува збор за менаџирање на клиниката. Тука стануваше збор за злоупотреба на работното време и за менаџирањето. Има извештај за тоа зошто е разрешен, истакна министерот за здравство.
Министерот за здравство Фатмир Меџити во емисијата „24 анализа“ во врска со разрешувањето на кардиохирургот Сашко Јовев од директоркото место на Клиниката за кардиохирургија, рече дека од првиот ден кога стапил на функција, решил дека ќе води бескомпромисна борба против нерегуларностите во здравството.
– Ние во сите клиники имаме еден тајминг и праќаме инспекциски надзор. Државниот санитарен инспекторат беше во инспекција на Клиниката за кардиохирургија и видовме од извештајот дека има големи злоупотреби и поради тоа така постапив. Повеќе нема да има директори кои 5 до 10 години не даваат никаков извештај и немаат ништо сработено. Инспекторите утврдиле дека има злоупотреба и затоа така постапив. Не работиме напамет, имавме сознанија и имавме од одредена клиника поплаки за мобинг и за други злоупотреби – рече Јовев.
Министерот за здравство рече ќе бидат регулирани сите недостатоци во здравството.
– Го знам дефектите, бидејќи сум работел во здравството. Бескомпромисно и секаде каде што има нерегуларности, тие ќе бидат санкционирани. Тоа се случи и со директорот на здравствената установа Бардовци кој е од Алијансата, тој беше разрешен и беше именуван друг. Во стручноста на професорот Јовев не навлегувам, во случајот станува збор за менаџирање на клиниката. Тука стануваше збор за злоупотреба на работното време и за менаџирањето. Има извештај за тоа зошто е разрешен. Имаше разрешување и во Тетово за неприсуство на работното место. Немаме луксуз за такво нешто. Нема да дозволиме да има такви директори – рече Јовев.