ИДЕНТИФИКУВАНИ СЕ 45 ЖРТВИ ОД АВТОБУСКАТА НЕСРЕЌА ВО БУГАРИЈА Посмртните останки утре ќе им бидат предадени на македонските власти
Бугарската влада ќе помогне во транспортот со обезбедување на воен авион.
Заменик-главниот обвинител и директор на Националната истражна служба Борислав Сарафов за БТА изјави дека веќе се идентификувани сите 45 жртви на автобусот што се запали на автопатот Струма. Нивната идентификација е направена со ДНК профили.
Во раните утрински часови на 23 ноември на автопатот кај селото Боснек, автобус со скопски таблички кој сообраќаше од Турција кон земјава излета и се запали.
– Вчера, со указ на јавниот обвинител, дадено е одобрение посмртните останки на жртвите да им бидат предадени на претставници на Владата на Република Северна Македонија за транспорт и трансфер на нивните роднини – рече Сарафов.
Бугарската влада ќе помогне во транспортот со обезбедување на воен авион.
Министерството за надворешни работи информира дека утре претпладне, на Меѓународниот аеродром Скопје ќе пристигнат посмртните останки на починатите од автобуската несреќа.