Груби: Да не сакав да оддадам почит немаше да бидам во делегацијата, време е за помирување

Првиот вицепремиер Артан Груби за Плусинфо вели дека тенденциозни се информациите дека не оддал почит на Тигрите.

– Тенденциозни се известувањата. Да не сакав да оддадам почит немаше да прифатам да бидам дел од делегацијата. Тука сум затоа што е време за помирување кога веќе одбележуваме 20 години од конфликтот и од Охридскиот рамковен договор – изјави Груби за Плусинфо.

Сепак, тој не одговори зошто не се поклонил  пред споменикот на загинатите „Тигри“.

Од преносот кој се емитува во живо, впечатливо е дека Груби не се поклони пред плочата на загинатите припадници на ЕСЗ Тигар. Тој беше дел од делегацијата со министерката за одбрана Радмила Шекеринска и министерот за здравство Венко Филипче кои оддадоа почит.

Денеска се одбележува 40 години од формирањето на Единицата за специјални задачи Тигар.