Граматика на македонскиот јазик за дијаспората

Книгата е приспособена на возраста на нашата најмлада генерација ученици во дијаспората, соопшти Агенцијата за иселеништво. 

389

Во издание на Агенцијата за иселеништво на Република Северна Македонија, обајвена е „Граматика на македонски јазик“ со практични вежби за дополнителна настава на македонски јазик во странство.

Граматиката е изработена од три професорки кои предаваат дополнителна настава за изучување македонски јазик во Германија – Ана Матовска-Смилевска, Катица Мицева и Аниса Трпчевска, а рецензенти се наставници, кои, исто така, предаваат дополнителна настава на македонски јазик – Елица Атанасовска – Стојановска во Франција и Снежана Катарова во Словенија.






„Граматиката е прва ваква книга посветена на македонската дијаспора. На 80 страници учениците од дијаспората ќе имаат можност да ги изучат теоретски и практично правилата на македонскиот јазик, а со тоа да се стекнат со практично и теоретско знаење на нивниот мајчин јазик. Книгата е приспособена на возраста на нашата најмлада генерација ученици во дијаспората“, соопшти Агенцијата за иселеништво.

Поврзани содржини