ГРАЃАНИТЕ ОЧЕКУВААТ КОНКРЕТЕН НАПРЕДОК НА ЕВРОПСКИОТ ПАТ Мицкоски и Кошта разговарале за забрзување на европската интеграција на Македонија
Во отворен и конструктивен разговор ја потврдивме заедничката заложба за унапредување на реформските процеси, зајакнување на демократските институции и за забрзување на европската интеграција, објави премиерот Христијан Мицкоски по средбата со претседателот на Европскиот совет, Антонио Кошта.
Денеска остварив средба со претседателот на Европскиот совет, Антонио Кошта на која разговаравме за европската перспектива на нашата држава, актуелните предизвици и за можностите за продлабочување на соработката со Европската Унија, објави премиерот Христијан Мицкоски на Фејсбук, по средбата со високиот гостин.
Можеби ќе ве интересира
„Во отворен и конструктивен разговор ја потврдивме заедничката заложба за унапредување на реформските процеси, зајакнување на демократските институции и за забрзување на европската интеграција.
Истакнав дека граѓаните очекуваат конкретен напредок на европскиот пат, а поддршката и партнерството од Европската Унија се од особено значење за остварување на тие цели“, објави Мицкоски.