Годинава јавната администрација ќе земе К-15

Премиерот Зоран Заев најави дека оваа година вработените во јавната администрација ќе земат поради тоа што го имаат ветено, но и дека имаат потпишано договор за оваа работа и треба да се реализира.

– Имаше одложување на оваа мерка во 2020 година во исплатата за 2019, поради тоа што кога требаше да се исплаќа почна третиот бран на ковид-кризата и беше навистина несоодветно време кога приватниот сектор оди со рационализирање, дополнителниот додаток да не се исплати – рече премиерот.

Тој потенцира дека поради тоа се алоцирани дополнителни 230 милиони денари и со овие средства се опфатени сите кои што спаѓаат во ваквите колективни договори.

– Сумата за јавната администрација е 31,6 милијарди денари и која е намалена и рационализирана и одиме на политиките за рационализација на јавната администрација. Како што имаме кажано во моментов имаме околу 132.000 вработени, а пред 4 години имавме повеќе од 160.000 јавна администрација. Во оваа година очекуваме да стапат на сила и законот за порано пензионирање, односно задолжително со 64 години, а тоа дополнително ќе влијае на самата бројка – вели Заев.