ГЕРМАНИЈА ЈА ПОЛНИ ИТАЛИЈА СО НЕЛЕГАЛНИ МИГРАНТИ Германските хуманитарци за 4 години донеле приближно 22.500 мигранти во Италија
Половина од сите мигранти кои стигнале до италијанските пристаништа со приватни спасувачки бродови биле донесени на брегот од страна на германски хуманитарни организации, објави италијанската влада.
Италијанското Министерство за внатрешни работи објави нови бројки за нелегалната миграција, според кои повеќе од половина од мигрантите кои стигнале до Италија со приватни спасувачки бродови биле донесени на брегот од германски невладини организации.
Во дебатата за тоа како да се справи со нелегалната миграција во ЕУ, Италија го зголеми притисокот врз Германија. Владата во Рим презентираше нови бројки за нелегалната миграција преку Медитеранот откако премиерката Џорџа Мелони ја презеде функцијата во октомври 2022 година.
Податоците цитирани од „Франкфуртер алгемајне цајтунг“ покажуваат дека половина од сите мигранти кои стигнале до италијанските пристаништа со приватни спасувачки бродови биле донесени на брегот од страна на германски хуманитарни организации.
Според италијанското МНР, германските агенции за помош донеле приближно 22.500 мигранти во Италија од октомври 2022 година. Вкупно, околу 42.300 луѓе пристигнале во италијанските пристаништа во тој период со приватни спасувачки бродови. Ако се вклучат и дополнителните 4.500 мигранти на бродовите под германско знаме, излегува дека Рим ги припишува на германската интервенција речиси две третини од сите пристигнувања.
Министерот за внатрешни работи Матео Пјантедоци неодамна побара од Германија да ја обештети Италија во некаков облик.