ЕКСПЛОЗИЈА ВО ПОПУЛАРНА ПРОДАВНИЦА ВО РОМАНИЈА Најмалку 13 повредени, еден во тешка состојба
Сѐ уште не е јасно што ја предизвикало силната експлозија во продавницата во градот Ботосани во североисточна Романија.
Најмалку 13 лица се повредени во експлозија во продавница „Направи сам“ во градот Ботосани во североисточна Романија.
Локалните власти соопштија дека еден од повредените е во тешка состојба.
Можеби ќе ве интересира
– Еден од повредените е во тешка состојба и е интубиран, додека 10 лица се свесни, но со различни повреди и изгореници. На сите им е укажана лекарска помош, соопшти итната помош.
Се наведува дека е алармирана хеликоптерската единица за итни случаи и оти на местото на несреќата се испратени две возила на брза помош и две противпожарни возила.
Сѐ уште не е јасно што ја предизвикало експлозијата, ниту дали се повредени клиенти или вработени.