📽️ ЕКСПЛОЗИЈА ВО БАР ВО МАДРИД Најмалку 25 повредени, тројца во критична состојба
Истекување на гас ја предизвика моќната експлозија која го уништи локалот и зафати станбена зграда, а жителите се евакуирани.
Најмалку 25 лица се повредени при експлозија во бар во Мадрид, јавува весникот „Паис“ повикувајќи се на полицијата. Според извори, тројца од повредените се во тешка состојба и се хоспитализирани во локалните клиники.
Инцидентот се случил во 15:01 часот во бар на улицата „Мануел Марото“ во мадридската населба Пуенте де Валекас. Експлозијата ја зафатила и станбената зграда над локалот, предизвикувајќи значителна материјална штета.
Според првичните информации на властите, експлозијата е предизвикана од истекување на гас, но официјалната истрага се уште трае.
– Ситуацијата е сериозна, но нашите служби се на терен и прават сè што е потребно за да ги заштитат граѓаните – изјавија од Одделот за цивилна заштита на Мадрид.
Регионот е целосно обезбеден од полицијата, а пожарникарите рачно ги расчистуваат урнатините бидејќи објектот е нестабилен и небезбедно е да се користи механизација. Жителите на горните катови се евакуирани заради безбедност.
#DePlaneta | La Agencia de Seguridad y Emergencias de Madrid, @112cmadrid, reporta 25 personas heridas, entre ellos cinco en estado grave, tras la explosión en un bar en la calle Manuel Maroto #PuenteVallecas. Fotos cortesía. pic.twitter.com/FIBrl4JtIn
— Diario El Salvador (@elsalvador) September 13, 2025
Одделот за цивилна заштита на Мадрид објави фотографии од местото на инцидентот на социјалната мрежа „Икс“. Снимките покажуваат дека барот е речиси целосно уништен, а улицата околу локалот е блокирана.
Полицијата и пожарникарите апелираат до граѓаните да ја почитуваат безбедносната зона и да се воздржат од приближување до урнатините додека траат спасувачките активности.