ДУИ ПАК СЕ ЖАЛИ ОД ВРЕДИ „Нема напредок, нема храбри потези“

Лажните ветувања на Вреди за европската интеграција. Кратко и јасно: се покажа дека Вреди-Не вреди. Денес се навршуваат точно шест месеци откако беше формирана оваа влада со големото ветување на Вреди: „Ако во рок од шест месеци не се деблокира европскиот пат, ќе го преиспитаме нашето учество во владата“. Шест месеци подоцна, европската интеграција останува блокирана, додека Албанците продолжуваат да бидат манипулирани со илузии и празни зборови, обвини ДУИ преку соопштение.

„Нема никаков конкретен напредок, нема храбри потези – само молк и оправдувања од една коалиција која ја гради целата своја политичка егзистенција врз манипулации и лаги. Ветија дека нема да формираат Влада без уставни измени! Дури и заеднички Документ за ова потпишаа пред изборите. Потоа ветија и дека по изборите во ЕУ и Бугарија ќе ги реализираат уставните измени. Потоа рекоа во рок од 3-4 месеци. И на крајот рекоа пред Нова година, во рок од 6 месеци! Вреди ja предаде довербата на Албанците! Ова лажно ветување за европска интеграција беше само уште една измама за да го задржат владеењето, да купат време и да ги прикријат своите катастрофални неуспеси. Албанците повеќе нема да толерираат политика која служи на лични и клански интереси, наместо на националните и европските интереси. Денес, кога нивниот рок истече, прашуваме: Ќе го исполнат ли ветувањето што самите го дадоа? Или и ова ќе биде уште едно поглавје во историјата на нивните лаги? Манипулацијата ја достигна својата граница. Албанците заслужуваат чесно и храбро претставување, а не политика која преживува на нивниот грб, потсмевајќи се со судбината и аспирациите на целиот народ. Вреди, вашето време за лаги заврши! Покажете интегритет или јавно признајте дека вашата политика не е ништо друго освен илузија за манипулирање на граѓаните и задржување на власта по секоја цена“, обвини ДУИ.