Директорот на СЗО: Добога, изгубивме 60.000 луѓе во светот, што правиме? ВИДЕО

Генералниот директор на Светската здравствена организација Тедрос Адханом ги повика политичарите да престанат да политизираат со коронавирусот.

Тој ја бранел работата на Организацијата откако претседателот на САД Доналд Трамп упати критики до СЗО и навести дека Вашингтон би можел да го преиспита финансирањето на Организацијата.

Адханом на прес конференција за новинарите во Женева повика на единство на државно ниво, да запре користењето на пандемијата за добивање политички поени, искрена солидарност на глобално ниво и искрено водство на САД и на Кина.

Според него, сите политички партии би требало да се насочат на спасување на својот народ, предупредувајќи дека вирусот победува таму каде што има разидување на национално и на глобално ниво.

– Добога, изгубивме 60.000 луѓе во светот! Што правиме? Нема потреба ковид-19 да се користи за добивање на политички поени – порача тој.

Media briefing on #COVID19 with @DrTedros. #coronavirus https://t.co/ZKy3OjKgBl

— World Health Organization (WHO) (@WHO) April 8, 2020