Детали за убиството во Инџиково: Го застрелале за пари 49-годишниот скопјанец

МВР соопшти детали за убиството коешто синоќа се случило во скопско Инџиково.

На 13.08.2020 во 23.06 часот во СВР Скопје, М.Н. пријавила дека двор од куќа во с.Инџиково, скопско, при расправија на две лица со нејзиниот сопруг И.А.(49), едното од нив со пиштол пукало во него. Според пријавеното, двете лица побарале пари од И.А., но кога им кажал дека нема пари, едното лице пукало кон него. Лекар од Итна медицинска помош констатирал смрт, а увид на местото извршила екипа од СВР Скопје. Се работи на расчистување на случајот.