📽️ ЧЕТВОРИЦА ЗАГИНАА ВО ТЕРОРИСТИЧКИ НАПАД ВО ТУРЦИЈА Хеликоптери кружат над предградие во Анкара

Терористички напад денеска беше извршен врз комплексот на националната воздухопловна компанија на Турција „ТУСАШ“ во предградие на Анкара, соопшти министерот за внатрешни работи Али Јерликаја на социјалната мрежа Икс

Министерот за внатрешни работи на Турција, Али Јерликаја потврди дека четири лица загинале, а 14 се повредени во терористичкиот напад во областа Кахраманказан, предградие на Анкара. Во акцијата која следеше неутрализирани се и двајца напаѓачи.

Според турската приватна телевизија Си-Ен-Ен-Турк, терористите активирале автомобил-бомба на влезот на комплексот и отвориле оган од огнено оружје. Над областа кружат воени хеликоптери.

Медиумите известуваат дека се земени заложници, но и дека во тек се судири помеѓу напаѓачите и безбедносните сили. Засега нема официјална потврда за заложници.

 

🤔A number of people ‘dead and wounded’ after attack on the premises of the Turkish aerospace and defence company TUSAS near Ankara. pic.twitter.com/5w8kdF94RZ

— Truthseeker (@Xx17965797N) October 23, 2024

 

CCTV Footage showing the beginning of the Terrorist Attack on the Headquarters of the Turkish Aerospace Industries in Ankara, with at least Two Gunmen and several Victims. pic.twitter.com/b8OvCKGsta

— OSINTdefender (@sentdefender) October 23, 2024

 

#BREAKING: A number of people ‘dead and wounded’ after attack on the premises of the Turkish aerospace and defence company TUSAS near #Ankara. #Turkey pic.twitter.com/Zjbf5jO3Cr

— SHAIKH UZAIR AHMAD S (@uzairsiddeequi) October 23, 2024

Првично беше слушната експлозија на влезот на комплексот, а потоа се слушнале истрели.

Според телевизијата НТВ, напаѓачите се вооружени со автомати и пиштоли, а можно е да носеле и експлозиви и муниција.

Неколку телевизии прикажаа снимки од видеокамери на кои се гледаат лицата на напаѓачите. Се смета дека најмалку двајца учествувале во нападот – маж и жена, облечени во црна облека. На социјалните мрежи се објавени голем број видеа.

Вработените во корпорацијата „ТУСАШ“ се скриле во специјални простории според инструкциите, додека чекале специјалните единици да интервенираат.

„ТУСАШ“ е една од најважните турски компании во областа на одбранбената индустрија и воздухопловството. Компанијата го произведува првиот национален борбен авион на Турција – КААН.

Во меѓувреме, Високиот совет за радио и телевизија на Турција воведе ограничувања за медиумското известување за терористичкиот напад.

Главното обвинителство на Анкара нареди истрага за нападот, информира министерот за правда Јилмаз Тунч.

Засега ниту една групација не ја презеде одговорноста за нападот. Неколку напади во Турција беа извршени од терористички групи како „Исламска држава“, ПКК и левичарски групации.