ЧЕТВОРИЦА АМЕРИКАНСКИ ПИЛОТИ ЗАГИНАА ОТКАКО АВИОТАНКЕР СЕ УРНА ВО ИРАК Леталото не е соборено, во инцидентот учествувале два авиона

Четири од шесте членови на екипажот загинаа во падот на американскиот авион за полнење гориво KC-135, кој се урна вчера во западен Ирак, соопшти Централната команда на САД.

Спасувачките напори продолжуваат, а несреќата се случила околу 14 часот по источно време.

„Околностите на авионската несреќа се испитуваат. Според достапните информации, можноста авионот да e соборен од непријателски или таканаречен пријателски оган е исклучена“, објави Централната команда на Икс.

Four Confirmed Deceased in Loss of U.S. KC-135 Over Iraq

TAMPA, Fla. – At approximately 2 pm ET on March 12, a U.S. KC-135 refueling aircraft went down in western Iraq. Four of six crew members on board the aircraft have been confirmed deceased as rescue efforts continue.

The…

— U.S. Central Command (@CENTCOM) March 13, 2026

Претходно Централната команда објави дека е во инцидентот учествувале два авиотанкери.

„Централната команда е свесна за загубата на американски авион за полнење гориво KC-135. Инцидентот се случил во пријателски воздушен простор за време на операцијата „Епски бес“, а спасувачките напори се во тек. Во инцидентот биле вклучени два авиона. Едниот од авионите се урна во западен Ирак, а вториот слета безбедно“, објави Командата.

Идентитетите на загинатите членови на екипажот ќе бидат објавени 24 часа откако нивните семејства ќе бидат известени за нивната смрт, што е стандардна процедура.

A U.S. Air Force KC-135 Stratotanker refuels a U.S. Navy F/A-18F Super Hornet over the middle east during Operation Epic Fury. pic.twitter.com/3z9UzXyLt9

— U.S. Central Command (@CENTCOM) March 12, 2026

Со ова бројот на загинати Американци од почетокот на американско-израелската војна со Иран е 11.

Пентагон во неделата потврди дека бројот на загинати американски војници се искачи на 7, откако беше потврдена смртта на уште еден војик, кој беше убиен во ирански напад врз саудиска воена база каде што се стационирани американски војници. Официјалните лица наведуваат дека тој починал од повредите во времето кога воените здравствени службеници го подготвувале неговиот трансфер за понапреден третман во американска воена болница во Германија.

Во саботата, претседателот Доналд Трамп присуствуваше на враќањето на телата на првите шестмина Американци убиени во војната, на свечена и тивка церемонија во воздухопловната база Довер во државата Делавер. Шест резервисти на американската армија беа убиени по иранскиот напад со беспилотни летала врз пристаништето Шуаиба во Кувајт во неделата.