ЧЕТИРИ ДЕЦА РАНЕТИ ВО ПУКОТНИЦА ВО БРУКЛИН Вкупно 8 луѓе се повредени
На местото на инцидентот е пронајдено огнено оружје, но досега нема апсења.
Осум лица, меѓу кои и четири деца, се ранети во пукотница што се случила на Кони Ајленд, населба во Бруклин, во Њујорк, наведе Полициската управа на Њујорк (NYPD).
Полицијата околу 22,37 часот одговорила на пријавите за повеќекратни ранувања од огнено оружје, објави Ен-би-си Њуз (NBC News).
По пристигнувањето на местото на настанот, полицајците пронашле осум лица со рани од огнено оружје, кои биле пренесени во блиските болници.
Според полицијата, ранетите се на возраст меѓу шест и 37 години.
Меѓу повредените се шестгодишно момче кое било застрелано во стомакот, седумгодишно момче кое било рането во двете нозе, 12-годишно момче кое било застрелано во ногата и 14-годишно момче кое било рането во бутот.
Полицијата соопшти дека седум од повредените се во стабилна состојба, додека 21-годишна жена е во критична состојба откако била застрелана во градите.
На местото на инцидентот е пронајдено огнено оружје, но досега нема апсења. Истрагата е во тек.