🎥📷 БЕБЕ И ДВЕ ДЕЦА МЕЃУ ЗАГИНАТИТЕ Стравични сцени од тешката автобуска несреќа кај Венеција

Едно новороденче, 12-годишно момче и уште едно малолетно девојче е потврдено дека се меѓу загинатите во стравичната автобуска несреќа што се случи синоќа во близина на Венеција. А, според некои информации што ги соопштија локалните власти, во несреќата настрадало уште едно дете.

Од досега утврдените податоци, во несреќата загина најмалку 21 лице, а околу дваесетина се повредени, откако автобусот со туристи излетал од надвозник во близина на Венеција, соопштија локалните власти.

Proseguono le attività dei poliziotti per i rilievi del terribile incidente avvenuto a #Marghera. La #Poliziastradale sta regolando la viabilità e sta effettuando i rilievi nel punto in cui il bus è uscito di strada precipitando nella via sottostante. #3ottobre pic.twitter.com/7c4cosHvWl

— Polizia di Stato (@poliziadistato) October 3, 2023

Автобусот излетал од патот и паднал во близина на железничка пруга во областа Местре, која е поврзана со Венеција со мост. Причината за несреќата сѐ уште не е утврдена.

Автобусот го управувал 40-годишниот Алберто Рикото од Тревизо, кој загинал во несреќата. Час и половина пред несреќата, тој објавил фотографија на Фејсбук, на која се гледа дека се наоѓа во кампот Ху во Маргера, со натпис „Шатл до Венеција“.

Официјални лица рекоа дека возилото паднало на далноводи и се запалило околу 19:45 часот. Познат е идентитетот на 7 починати лица.

Меѓу 15-те повредени лица во текот на ноќта нема нови смртни случаи. Четворица од нив што се на интензивна нега, сѐ уште не се идентификувани.

❌ #Marghera (VE), bus precipitato da cavalcavia: 15 persone soccorse dai 60 #vigilidelfuoco al lavoro, conclusa l’ispezione all’interno del mezzo. Verifica in corso per escludere presenza di persone sotto il pullman [#3ottobre 22:00] pic.twitter.com/LyCjmScE5j

— Vigili del Fuoco (@vigilidelfuoco) October 3, 2023

Четворицата најтешко повредени се на возраст од 20 до 30 години. Како што дознава Sky TG24, тројца се хоспитализирани на интензивна нега во болницата Анџело во Местре и еден во Дол.

-Огромна, бескрајна трагедија. Јас сум без зборови. Апокалиптична сцена. Автобусот испаднал од надвозникот и се запалил. Излетал од патот. Паднал од мостот. Не можете да замислите каква катастрофа е тоа – изјави градоначалникот на Венеција, Луиџи Бруњаро.

#BreakingNews #bus #tragedy the 21 victims are #tourists from #Ukraine and some from #Germany 5 #Ukrainians #1 German 2 minors dead 18 injured ( 4 critical). Returning to a camping in #Marghera other nationalities possible but too early yet pic.twitter.com/OnC6JbwOy7

— pio dal cin (@piodalcin) October 3, 2023

Според првичните инфомации повеќето од патниците во автобусот биле странски туристи.

-Потврдена е смртта на 21 лице, а 13 се повредени, од кои некои потешко. Четворица се деца. Трагедија, повторувам. Странски туристи. Се обидуваме да ги идентификуваме жртвите. Видов некои документи на тие сироти луѓе. Никогаш не сум видел толку страшна трагедија.Сите сме тука. Има и свештеник кој се моли за  жртвите  – рече Буњаро.