БАЈДЕН ИМ НАНЕСЕ ИСТОРИСКА ШТЕТА НА САД Според Пенс, инфлацијата е највисока во последните 40 години

Американскиот претседател Џозеф Бајден ѝ нанесе повеќе штета на Америка, отколку кој било претседател во модерната историја, смета поранешниот потпретседател на САД, Мајк Пенс.

Тој за „Фокс њуз“ тврди дека за 14 месеци инфлацијата во САД е најголема во последните 40 години, а бензинот поскапел за 70 отсто.

Според Пенс, сегашната администрација правела грешки во борбата со пандемијата од коронавирусот. Тој укажа и на, како што нагласи, „катастрофалното повлекување“ на САД од Авганистан.