📸 АСАНЖ МОЖЕ ПАК ДА СЕ ВРАТИ ВО АКЦИЈА? Викиликс објави таен документ за војната во Газа
Експертите веруваат дека ослобедниот Џулијан Асанж сега би можел „целосно да се врати на својата стара работа“, бидејќи десетте илјади документи собрани од Викиликс во последните неколку години сè уште се необјавени.
Основачот на веб-страницата Викиликс и еден од најпознатите светски дисиденти, Џулијан Асанж, успеа да се договори со американското Министерство за правда, а потоа се изјасни за виновен, но во исто време беше ослободен затоа што му беше пресметано времето кое го помина во притвор во Велика Британија.
Голем број светски медиуми и аналитичари се запрашаа – дали најпознатиот светски протекувач ќе продолжи да работи на страницата?
Одговорот стигна по само една недела. Официјалната веб-страница на Викиликс на мрежата „Икс“ (поранешен Твитер) објави таен документ на израелското разузнавање од 2023 година, кој наводно покажува план „цивилите од Газа да бидат депортирани во Египет“.
Иако засега нема официјални реакции од израелските власти за веродостојноста на овој документ, бројни корисници на Икс, меѓу кои и бројни светски новинари, го поздравија ваквото продолжение на работата на Викиликс.
„Потребни сте повеќе од кога било“, напиша еден од активистите од Португалија. Во првите четири часа од објавувањето, овој документ го споделија повеќе од три илјади корисници на мрежата Икс.
Експертите веруваат дека Џулијан Асанж сега би можел „целосно да се врати на својата стара работа“, бидејќи десет илјади документи собрани од Викиликс во последните неколку години сè уште се необјавени.
Verified document from Israeli Ministry of Intelligence in October 2023 suggests forced displacement of Gaza civilians to Egypt would “yield positive and long term strategic results”.
The advisory document envisions a three stage process including the establishment of tent… pic.twitter.com/4QVykZMdw3
— WikiLeaks (@wikileaks) July 2, 2024