Ангеловска: За мерката „14.500 денари“ се исплатени 14,3 милиони евра
Преку оваа мерка ќе се зачуваат работните места во фирмите погодени од ковид-19 кризата, а воедно ликвидносно ќе се помогне и стопанството, наведува министерката.
Преку мерката „14.500 денари“ по вработен исплатени се над 14,3 милиони евра на 10.103 фирми, објави министерката за финансии Нина Ангеловска на својот фејсбук профил.
– Управата за јавни приходи ги доставува барањата до Генералниот секретаријат, кој префрла средства до компаниите. Забрзано се работи кон сервисирање на сите одобрени апликации. Преку оваа мерка ќе се зачуваат работните места во фирмите погодени од ковид-19 кризата, а воедно ликвидносно ќе се помогне и стопанството, наведува Ангеловска.