Ахмети за ТВ21: Заев се извини за тоа што рече дека Албанците не вредат пет пари
Сигурно лидерот на СДСМ, Зоран Заев, не се израдува со победата на ДУИ на последните предвремени парламентарни избори - рече Ахмети за ТВ21.
Лидерот на СДСМ, Зоран Заев се извинил за тоа што во нелегално сниманите разговори кои беа објавени во изборната кампања вели дека Албанците не вредат ни пет пари, откри вечерва лидерот на ДУИ, Али Ахмети, во интервју за ТВ21.
– Зоран Заев се извини за тоа што ги нарече Албанците дека не вредат пет пари – одговори Ахмети на поставеното прашање во дебатниот магазин „Click Plus“.
Глас за кој Заев потврди дека е негов, се слушаше на една од поеќето објавени аудио-снимки за време на изборната кампања, во кои лидерот на СДСМ за Албанците вели дека не вредат пет пари.
Ахмети најави продолжување на партнерството со СДСМ, бидејќи, како што објасни, во изминатиот мандат направиле многу за граѓаните, но дециден беше дека Заев не се израдувал на победата на ДУИ.
– Сигурно лидерот на СДСМ, Зоран Заев, не се израдува со победата на ДУИ на последните предвремени парламентарни избори – рече Ахмети.