ЈА ЧУВА МЕНСТРУАЛНАТА КРВ НА ДЕВОЈКАТА НА -80 СТЕПЕНИ Познатиот милионер и биохакер вели дека крвта е „вредна и недоволно искористена“

Технолошкиот милионер и биохакер Брајан Џонсон чува околу 10 милилитри менструална крв од својата девојка Кејт Толо. Примерокот е замрзнат на -80°C, а Џонсон планира да го користи за здравствени анализи.

„Менструалната крв на Кејти е во мојот замрзнувач на -80°C. Околу 10 милилитри“, напиша Џонсон на Икс.

Тој ја нарече крвта „вредна и недоволно искористена“. Според него, таа може да даде податоци за состојбата на матката без хируршка биопсија.

10 милилитри крв, милиони податоци

Џонсон планира во примерокот да бара знаци на заболено ткиво, микропластика, ендокрини нарушувања и ПФАС, таканаречените „вечни хемикалии“.

Толо истовремено минува низ 100-дневен проект за детално следење на нејзиното здравје. Целта е да бидат собрани околу 14 милиони податоци.

Проектот вреден 2,6 милиони долари треба да помогне во истражувањето на женското репродуктивно здравје. Толо претходно добила дијагнози за ендометриоза и за синдром на полицистични јајници.

„Навистина го правам ова затоа што мислам дека ова е нашиот пат кон тоа жените да бидат разбрани во светот и светот навистина да ги види“, изјави Толо за „Волстрит џурнал“.

Кај Џонсон и интимата завршува во лабораторија

Џонсон одамна јавно ги претвора сопственото тело и здравје во предмет на мерења. Неодамна објави дека му бил дијагностициран автоимун гастритис.

Во експериментите сега сè почесто учествува и Толо. Џонсон во мај јавно објави дури и резултати од тестирањето на нејзиното вагинално здравје.

Според него, 98,7% од нејзиниот примерок го сочинувала бактеријата Lactobacillus crispatus.

Двојката е заедно три години, а врската ја објави во декември минатата година.

„Ми се допаѓа што Кејт е научен експеримент со мене“, напиша Џонсон на Икс.

„Ти благодарам што се грижиш за мене, бејби“, му одговори Толо.