ЃУБРЕТО ОД КУМАНОВО ПРИВРЕМЕНО ЌЕ СЕ ДЕПОНИРА ВО ДРИСЛА Димитриевски им се извини на кумановци поради блокадата на депонијата Краста
Жителите на селото Пчиња и неколку околни места цела недела протестираат кај депонијата „Краста“ и не дозволуваат влез на камионите и депонирање на комуналниот отпад. Тие протестираат и ја блокираат депонијата поради пожарите и постојаното чадење, кои, како што велат, претставуваат опасност по нивното здравје.
Сметот од Куманово од синоќа привремено ќе се транспортира и депонира на депонијата Дрисла во Скопје, информираа од ЈП „Чистота и зеленило“, и градоначалникот на Куманово, Максим Димитриевски.
Димитриевски им се заблагодари на премиерот Христијан Мицкоски, на градоначалникот Орце Ѓорѓиевски и менаџерскиот тим на Дрисла за поддршката во надминувањето на проблемот со транспортот и со депонирањето на отпадот.
– Продолжуваме интензивно со санација на депонијата Краста и надминување на проблемот. Во мое лично име и во име на менаџерскиот тим на ЈП „Чистота и зеленило“ – Куманово, се извинувам на моите сограѓани кои поради блокадата на нашата депонија се соочуваат со сериозен проблем, кој ќе биде надминат во најбрз можен рок – наведе Димитриевски во објава на неговиот профил на Фејсбук.
Жителите на селото Пчиња и неколку околни места цела недела протестираат кај депонијата „Краста“ и не дозволуваат влез на камионите и депонирање на комуналниот отпад. Тие протестираат и ја блокираат депонијата поради пожарите и постојаното чадење, кои, како што велат, претставуваат опасност по нивното здравје.
Стојан Стојковски, претставник на жителите, рече дека протестите не се насочени против собирањето на отпадот во Куманово, туку против неговото одлагање на депонијата, од која повторно се шири чад кон населените места.
Жителите велат дека нема да се повлечат од блокадата додека не се изгасне опожарената депонија