📽️ КАЈЛИ ЏЕНЕР ИЗНАЈМУВА ЦЕЛО КИНО КОГА САКА ДА ГЛЕДА ФИЛМ „Тоа е снобовски“, пишуваат фановите во реакциите под видеото што го виделе 9,4 милиони луѓе

Исечок од новиот влог на Кајли Џенер, во кој таа покажа дека за излегување со пријателките изнајмила цела кино-сала, предизвика расправа на социјалните мрежи. Снимката досега е прегледана повеќе од 9,4 милиони пати, а корисниците дебатираа дали ваквиот потег покажува луксузен начин на живот или едноставно потреба за приватност.

Џенер редовно споделува моменти од секојдневието на YouTube, вклучувајќи го животот како претприемачка и мајка. Во последното видео покажа како оди во кино со пријателките, каде што за себе резервирале цела сала за да го гледаат филмот „Verity“.

Во видеото Џенер се појавува со пријателките Викторија Виљароел и Анастасија Караниколау. Во празната сала ги пречекаа бројни грицки, а пред почетокот на филмот разговараа и се забавуваа меѓу себе.

Одлуката да резервира цела сала не им се допадна на сите. Еден корисник на платформата X го сподели исечокот со коментар дека снимката покажува како Џенер „мора да изнајми цело кино“ во Лос Анџелес поради тоа колку е позната.

Kylie Jenner shows how she has to rent out entire movie theaters when she goes to watch a movie with her friends in LA because of how famous she is 👀🍿 https://t.co/2RWcoM3MWk

— keeno (@ayekeeno) October 3, 2026

Објавата набрзо стана вирална и собра повеќе од 9,4 милиони прегледи. Дел од корисниците сметаа дека нејзиниот потег е претеран и снобовски.

– Или можела едноставно да стави капа и една вечер да се облече како нормална личност – напишал еден корисник, чиј коментар добил повеќе од 44.000 лајкови. Други нејзиниот начин на живот го опишаа како „та​​жен“ и „празен“, додека некои сметаа дека познатите личности треба да бидат подготвени да се појават меѓу останатите гледачи.

Некои корисници не биле убедени дека Џенер мора да изнајмува цели сали за да може да ужива во филм.

– Можела да оди инкогнито ако навистина го сака тоа – напишал еден коментатор.

Друг навел неколку познати личности кои, според неговите зборови, без проблем одат во јавни кина.

– Кристофер Нолан редовно оди во AMC CityWalk. Кристен Стјуарт и Џек Блек толку често се во моето соседство што повеќе не им ни кажувате на пријателите кога ќе ги видите – напишал тој.

– Ве уверувам дека никому не му е гајле дали таа жена седи во салата со нив.

Дел од следбениците сепак застанале во одбрана на Кајли Џенер и потсетиле дека нејзината желба за приватност може да има врска и со безбедноста.

Семејството Кардашијан-Џенер ги засили безбедносните мерки откако Ким Кардашијан беше ограбена во Париз во 2016 година. И Кајли имала проблеми со следачи и во неколку наврати барала забрани за приближување.

Во епизода од серијата „The Kardashians“ од 2025 година, таа зборува и за стравот за сопствената безбедност по тврдењата дека Ким била цел на заговор за убиство.

Џенер во видеото не кажа дека целата сала ја изнајмила од безбедносни причини. Поради тоа, дел од следбениците сметаат дека едноставно сакала приватност и порелаксирана атмосфера за дружење со пријателките.

Минатиот месец таа покажа и дел од својот огромен дом во Хиден Хилс, кој го гради веќе шест години. Имотот се простира на околу пет хектари, а Кајли го опиша како својот „прекрасен дом од соништата“ инспириран од Италија. Во него планира и простор за вечери и прослави, пица-печка, спортски терен и розова градина.

Токму поради ваквите сцени, некои гледачи сметаат дека нејзините влогови повеќе личат на прикажување на живот во кој секојдневните работи се претвораат во луксузни искуства. Други, пак, велат дека тоа е едноставно нејзиниот живот и дека нема причина да се преправа дека живее поинаку.