ШВАЈЦАРСКАТА ВЛАДА САКА ДА ГО УКИНЕ БРАЧНИОТ СТАТУС „РАЗВЕДЕН“ Во формуларите наместо „разведен“ да се користи „слободен“
Пратеничка Надин Гобе од либералната Слободна демократска партија се спротивстави на фактот дека разведените лица мора да наведат во формуларите дека се разведени, дури и години подоцна, а швајцарската влада ја прифати иницијативата..
Швајцарската влада објави дека сака да го укине брачниот статус „разведен“, поддржувајќи ја иницијативата на либералната пратеничка Надин Гобе.
Гобе, од либералната Слободна демократска партија, се спротивстави на фактот дека разведените лица мора да наведат во формуларите дека се разведени, дури и години подоцна.
Парламентот сега мора да одлучи за ова прашање и, доколку биде прифатено, да ги иницира потребните законски измени.
Можеби ќе ве интересира
Гобе тврди дека ознаката е излишна бидејќи разводот е правно прашање кое е финализирано.
Условот некој да се изјаснува како „разведен“ засекогаш значи дека приватниот настан е „административно овековечен“, рече таа.
Гобе предложи разведените лица да се вратат во категоријата „слободни“ во официјалните формулари.