ПЛАТИТЕ НА НАСТАВНИЦИТЕ ЌЕ СЕ ЗГОЛЕМАТ ВО МАРТ СЛЕДНАТА ГОДИНА Јаневска децидна дека ќе се почитува договорот со СОНК

Ново зголемување на платите на наставниците ќе има во март следната година и дека тоа е сигурно и во согласност со договореното со СОНК, изјави денеска министерката за образование Весна Јаневска.

​- Во овој случај наставниците се безбедни, не треба да мислат на платите, платите ќе се покачуваат секоја година. Следната година во март повторно ќе бидат покачени платите на наставниците – рече Јаневска одговарајќи на новинарски прашања при посетата на ОУ „Љубен Лапе“ во Аеродром.

Платите на наставниците во основното и средното образование се зголемуваат според потпишаните спогодби меѓу СОНК и Министерството за образование и наука која предвидува нивно зголемување за 46% во рок до 2028 година. Нивното зголемување почна со 5% во октомври 2024 година, потоа со 7% во март 2025 година , а годинава беа зголемени за 7,5%. За следните години е предвиден континуиран раст, во зависност од економските движења и инфлацијата