НЕ ЗАСТАНАЛ НА ПОЛИЦИСКИ ЗНАК, ПА ПАДНАЛ СО МОПЕД 17-годишник е тешко повреден во Скопје
Малолетникот не застанал на полициски знак на булеварот Борис Трајковски, а подоцна паднал на булеварот Србија. Полицијата утврдила дека мопедот не бил регистриран.
Седумнаесетгодишник од Скопје тешко се повредил откако паднал со мопед на булеварот Србија. Претходно не застанал на знак за запирање даден од полицијата.
Несреќата била пријавена на 28 август, околу 2.30 часот. Малолетникот претходно се движел по булеварот Борис Трајковски.
Полициски службеници му дале знак да запре, но тој не застанал. Подоцна, управувајќи го мопедот на булеварот Србија, паднал.
Можеби ќе ве интересира
Малолетникот се здобил со тешки телесни повреди. Повредите биле констатирани во Ургентниот центар при комплексот клиники Мајка Тереза во Скопје.
Полицијата извршила увид и утврдила дека 17-годишникот немал возачка дозвола. Мопедот што го управувал не бил регистриран.
По документирањето на случајот ќе бидат поднесени соодветни поднесоци.