📽️ ВЕТЕР СИ ИГРА СО АВИОНИ КАКО ИГРАЧКИ, ЕДЕН ДУРИ ПРЕВРТЕ Несекојдневна снимка од невреме во Италија

Силната бура што ја погоди северна Италија во петокот предизвика хаос на аеродромот во Форли, во регионот Емилија-Ромања. Налетите на ветрот поместија помали авиони, а еден беше целосно превртен на покрив. Драматичниот момент беше снимен на камера, а видеото набрзо се прошири на социјалните мрежи.
Видеото покажува како силниот ветер неконтролирано ги движи лесните авиони паркирани на аеродромот Луиџи Ридолфи, пред еден од нив да се преврти.

Според Ла Стампа, ветерот поместил четири помали авиони. Локалниот весник Ил Ресто дел Карлино објави дека пожарникарите интервенирале за да обезбедат три авиони кои биле поместени од силните турбуленции. Еден од нив во тој момент бил во фаза на слетување. Нема повредени во инцидентот, пишува Кориере Ромања.

A storm knocked over four planes at Italy’s Forlì Airport

A powerful storm hit the airport. Three light aircraft were lifted off the runway and tossed around like toys. Another plane was blown off course while landing.

The airport was urgently closed for an hour until the storm… pic.twitter.com/3KoPdXrKYw

— NEXTA (@nexta_tv) August 23, 2026

Аеродромот Луиџи Ридолфи беше затворен околу еден час од безбедносни причини. Италијанските медиуми објавија дека налети на ветер од околу 110 километри на час се регистрирани во областа, додека тие на аеродромот достигнале 120 километри на час во областа на аеродромот.

Бурата не го погоди само аеродромот. Силниот ветер собори дрвја и гранки, оштети покриви и го отежна сообраќајот во Форли и други делови на Емилија-Ромања. Регионалната цивилна заштита извести дека пожарникарите имале повеќе од 150 интервенции до 16 часот, а најмногу проблеми се регистрирани во покраините Форли-Чезена и Равена.

Покрај паднатите дрвја и оштетувањата на зградите, бурата предизвикала повремени прекини на електричната енергија и оштетувања на земјоделско земјиште.