РАСТОТ НА ПЛАТИТЕ СЕГА Е ЗА 70% ПОВИСОК ОД ОНОЈ ВО ВРЕМЕТО НА СДСМ Партијата на власт ги предупреди Филипче и СДСМ да не лажат за платите
Според пресметките на ВМРО-ДПМНЕ, во просек, просечната плата се зголемувала за околу 373 денари месечно, за изминатите 23 месеци владеење на ВМРО-ДПМНЕ.
ВМРО-ДПМНЕ излезе со статистички бројки по тврдењето на СДСM и нејзиниот лидер Венко Флипче дека платите повеќе растеле додека била на власт оваа партија.
Од ВМРО-ДПМНЕ велат дека не се потребни празни зборови и политички пароли и дека бројките зборуваат сами за себе.
-Во месец јуни 2017 година просечната плата изнесувала 22.808 денари, а во мај 2024 година просечната достигнала 41.252 денари. Тоа е зголемување од 18.444 денари за 84 месеци, што значи дека просечната плата во просек се зголемувала за околу 220 денари месечно. Во јули 2024 година, просечната плата изнесуваше 40.961 денар. Во мај 2026 година, просечната плата достигна 49.544 денари. Тоа е зголемување од 8.583 денари за 23 месеци владеење на ВМРО-ДПМНЕ. Во просек, просечната плата се зголемувала за околу 373 денари месечно. Во периодот на ВМРО-ДПМНЕ, просечната плата растела околу 70% повеќе месечно отколку во периодот кога на власт беа СДСМ и ДУИ – велат од ВМРО-ДПМНЕ.
Оттаму додаваат и дека ВМРО-ДПМНЕ работи за граѓаните, а резултатите се гледаат во бројките.