ДВЕ ЖЕНИ ЗАГИНАА ВО ПОПЛАВИ ВО ШПАНИЈА Повредени две бебиња по наносите од кал и камења
Две жени загинаа во поплави и одрон во северозападниот дел на Шпанија, додека две бебиња се повредени, соопштија спасувачките служби во автономната област Кастилја и Леон.
Жртвите се две жени на возраст од околу 60 и 80 години, соопштија локалните власти.
⚠️⛈️ Al menos dos muertos, varios heridos y desaparecidos por una riada en Manzanedo de Valdueza, Comarca del #ElBierzo ( #León), debido a las fuertes #tormentas. #FMA @eldiarioes pic.twitter.com/HVUdkSNlwo
— InfoMeteoTuit (@InfoMeteoTuit) August 15, 2026
Маж кој првично бил пријавен за исчезнат по поплавите во селото Мансанедо де Валдуеса, подоцна бил пронајден неповреден.
На местото на несреќата биле испратени екипи на противпожарната служба и полицијата, припадници на Граѓанската гарда, како и медицински тимови.
Градоначалникот на блискиот град Понферада, Марко Морала, изјави дека силните бури предизвикале голем нанос од камења, кал и тиња, што довело до смртта на двете жени.
Локалните медиуми објавија фотографии на кои се гледа сива маса од камења и кал што поминала низ селото и однела автомобил.