ТОН НАФТА СЕ ИЗЛЕАЛ ВО КОЧАНИ Нафтата истекла од камион, сообраќајот во застој
Во моментов има застој на сообраќајот на кружниот тек кај хотелот „Национал“ на влезот во Кочани. Информациите од теренот велат дека е истечено големо количество нафта од камион, приближно еден тон.
Врз местото каде што е истечена нафтата се посипуваат песок и пилевина за да биде впиена а потоа отстранета од коловозот.
Можеби ќе ве интересира
Според првите информации, камионот излегувајќи од индустриската зона нагазил на решетката која е паралелна со рабниците, таа отскокнала, удрила во резервоарот за гориво, го пробила и нафтата се излеала.
Екипите на КЈП „Водовод“, ТППЕ и ОВР – Кочани се на терен. Велат дека сообраќајот бргу ќе биде вратен во функција.