УША И ЏЕЈ ДИ ВЕНС ДОБИЈА СИН Тоа е нивно четврто дете
Републиканскиот потпретседател, кој има 41 година, силно се залага Американците да имаат повеќе деца.
Потпретседателот на САД Џеј Ди Венс и неговата сопруга, втората дама Уша Венс, во недела го објавија раѓањето на нивното четврто дете, кое ќе се вика Алек Нил Венс.
„Возбудени сме што објавуваме дека нашето момче, Алек Нил Венс, се роди утрово. Уша и бебето се среќни и здрави, а нашите деца се пресреќни што го запознаа својот мал брат“, се вели во соопштението.
Тие им се заблагодарија на лекарите и персоналот во Националниот воено-медицински центар „Волтер Рид“ и на медицинскиот тим на Белата куќа.
Републиканскиот потпретседател, кој има 41 година, силно се залага Американците да имаат повеќе деца. Тој, исто така, посочи дека убиството на конзервативниот активист Чарли Кирк, кој му беше пријател, во 2025 година, влијаело врз одлуката да има уште едно дете.
Уша Венс, ќерка на имигранти од Индија, влезе во фокусот на јавноста поради постојаното присуство покрај нејзиниот сопруг. Нејзината бременост, која беше објавена во јануари, го засили тој фокус бидејќи е реткост за лицата кои извршуваат највисокијавни функции во САД да бидат придружувани од своите семејства додека се на должност.
Последниот пат кога актуелен потпретседател на САД станал татко било во 19 век. Шујлер Колфакс и неговата втора сопруга Елен Вејд добиле син, Шујлер Колфакс III, во 1870 година, кога Колфакс бил потпретседател на САД.