🎥 ЅВЕЗДИТЕ ОД „СИНА ЛАГУНА“ ГИ ТЕРАЛЕ ДА ИМААТ ВИСТИНСКА РОМАНСА На Кристофер Аткинс и Брук Шилдс им правеле притисок за време на снимањето

Режисерот Рандал Клајзер сакал романсата во „Сината лагуна“ да биде што е можно поверодостојна на екранот, а според зборовите на Кристофер Аткинс, во ова вложил необично многу труд. Аткинс, кој имал 18 години во времето на снимањето, и Брук Шилдс, која во тоа време имала 15 години, глумеа роднини кои се заљубуваат еден во друг на пуст остров, после бродолом. Аткинс тврди дека режисерот се надевал дека нивната блискост во реалниот живот ќе се пренесе и во филмот.

Во подкастот „Media Path“, Аткинс се присети на снимањето на Фиџи и опиша како Клајзер се обидел да поттикне интимност меѓу него и Шилдс.

– Таа беше одлична. Имам само најдобро да кажам за неа. На почетокот навистина се разви мала романса меѓу нас. Режисерот сакаше нешто да се случи меѓу нас за да може таа хемија да се почувствува во филмот – вели тој.

Аткинс бил на брод на почетокот на снимањето и вели дека Клајзер се обидел да создаде романтична атмосфера.

– Стави слика од Брук над мојот кревет во кабината, па ја гледав секоја вечер пред спиење, претпоставувам со надеж дека ќе се заљубам и дека тоа ќе се пренесе во филмот – вели Аткинс.

Тој додаде дека во тоа време имало кратка романса меѓу нив, но ја опишал како невина и нежна.

– Секако, бев и многу заштитнички настроен кон неа – рече тој.

Шилдс претходно зборуваше за притисокот што го чувствувала за време на снимањето. Во нејзиниот подкаст „Now What?“ во 2022 година, во кој беше гостин и самиот Аткинс, таа се присети на овие обиди.

– Очајнички сакаа да се вљубиме. Не реагирав добро на тоа што бев принудена да чувствувам нешто. До таа возраст уште се немав ниту бакнато со никого – ​​рече таа во тоа време.

Актерката постојано го посочуваше „Сината лагуна“ како фрустрирачки пример за хиперсексуализацијата и недостатокот на заштита со кои се соочувала како детска ѕвезда. Аткинс, од друга страна, во неодамнешно интервју рече дека сексуализацијата „воопшто не го загрижувала“, иако влијаела на неговата подоцнежна кариера.

– Во секој филм потоа, морав да го покажам задникот. Тоа е едноставно така. Не можам да ви кажам колку љубовни сцени сум снимал. Секогаш сакаа да имам виткана коса, повторно да ја носам таа ткаенина околу колковите и сето останато.

​Во претходно интервју, Шилдс рече дека филм како „Сината лагуна“ „не треба да се снима денес“, истакнувајќи дека актерите постепено не биле запознаени со сцени што барале од нив да бидат голи еден пред друг. Контроверзноста околу филмот беше исто така истакната тема во нејзиниот документарец од 2023 година, „Pretty Baby: Brooke Shields“.

Неколку дена по премиерата на документарецот, открива Шилдс, режисерот Клајзер ѝ се јавил, но таа одлучила да не се јави.

– Го видов неговото име на екранот на мојот телефон и си помислив: О. Што да правам?

– Го оставив повикот да оди на гласовна пошта затоа што сакав да слушнам каков ќе биде тонот на пораката – изјави таа во „Шоуто на Дру Баримор“.

– Тој сакаше да разг0вара. Не знам за што станува збор. Не сакам повторно да ј отворам таа тема. Тоа не е поентата.“

Размислувајќи за целото свое искуство како детска актерка, Шилдс заклучи:

– На овие мажи им требаше да се вклопам во одредена категорија за да им послужи на нивната приказна, а никогаш не стануваше збор за мене. Никој не ме заштитуваше. Понекогаш беше забавно и полнпо со љубов, но јас бев таму само пион.