СПИЕТЕ СО ВКЛУЧЕНА КЛИМА? Што треба да знаете ако уредот работи цела ноќ?
Ако имате дете, никогаш не го оставајте на место каде што директно дува ладниот воздух од климата. Истото треба да важи и за вас. Всушност, најважниот совет е оној, да не спиете во истата просторија каде што се наоѓа клима-уредот.
Тропски ноќи и врели денови – време кога температурите преку ноќта не паѓаат под 20 степени, а бетонот на улиците не успева да се олади. Спасот за спиење во прегреаните домови многумина го бараат во клима-уредите. Доколку и вашата клима работи цела ноќ, ова се важните правила што треба да ги знаете за да го заштитите здравјето на семејството.
Бебињата и клима-уредите
Жештината може да биде многу непријатна, но и опасна за бебињата бидејќи тие потешко ја регулираат телесната температура од возрасните. Експертите истакнуваат дека правилно разладениот и проветрен простор му помага на бебето да спие поудобно и го намалува ризикот од СИДС (синдром на ненадејна смрт кај доенчиња). Сепак, потребна е голема претпазливост:
Никогаш не оставајте го бебето на место каде што директно дува ладниот воздух од климата.
Внимавајте на бебето да не му стане премногу ладно бидејќи претерано разладениот простор може сериозно да ја намали неговата телесна температура.
Бидете особено внимателни кога го изнесувате детето од разладена просторија директно надвор на топлина. Разликата помеѓу надворешната и внатрешната температура не треба да биде поголема од 8 степени.