ОПШТИНА БУТЕЛ ЌЕ ПОСТАВИ КАМЕРИ НА ЈАВНИТЕ ПОВРШИНИ Целта е да се намалат оштетувањата на парковите и игралиштата
Општина Бутел соопшти дека започнала активности за поставување видео надзор на јавните површини во општината.
Во изминатиот период беа оштетени голем број детски игралишта, спортско-рекреативни центри и паркови. Локалната самоуправа ја надомести штетата и ги обнови јавните површини, но уништувањето на детските игралишта, спортските терени и урбаната опрема продолжува.
Можеби ќе ве интересира
Општината очекува поставувањето на видео надзорот да придонесе за намалување на девијантните појави. Снимките од надзорот ќе може да се користат единствено по налог на надлежните институции, со целосно почитување на законите.
Градоначалникот Дарко Костовски упати апел за совесно користење на урбаната опрема и заштита на општинскиот имот.