📽️ ГОЛЕМ ПОЖАР ВО РАДОВИШ Гори поранешна фабрика, чад се гледа од цел град

Голем пожар избувна вечерва во Радовиш, каде што е зафатен објект на поранешна фабрика, јавуваат жители на градот и објави на социјалните мрежи.

Според првичните информации, пламенот брзо се проширил низ објектот, а над градот се издига густ чад кој е видлив од повеќе локации.

Засега нема официјални податоци за причините за пожарот, ниту информации дали има повредени лица или колкава е материјалната штета.

На социјалните мрежи се појавија и видеа и фотографии на кои се гледа силен оган и голем чад што се издига над индустрискиот објект.

Од надлежните институции и противпожарните служби се очекуваат дополнителни информации во текот на вечерта.