📽️ „СЕ СЛУШНАА ОКОЛУ 30 ИСТРЕЛИ“ Maсакр пред џамија во Сан Диего ја потресе Америка
Двајца тинејџери отвориле оган пред Исламскиот центар во Сан Диего и убиле тројца мажи, меѓу кои и обезбедувач. Напаѓачите, на возраст од 17 и 19 години, подоцна биле пронајдени мртви во автомобил, а властите случајот го третираат како можно злосторство од омраза.
Крвав напад се случил во понеделникот пред Исламскиот центар во Сан Диего, Калифорнија, кога двајца тинејџери отвориле оган кон луѓе пред џамијата.
Во нападот загинале тројца мажи, а меѓу нив бил и обезбедувач кој, според полицијата, можеби спречил уште поголемо крвопролевање.
Напаѓачите подоцна биле пронајдени мртви во возило на улица. Станува збор за момчиња на возраст од 17 и 19 години, кои починале од самонанесени прострелни рани, соопшти полицијата.
„Се слушнаа околу 30 истрели“
Сведок за Си-би-ес изјавил дека слушнал серија истрели, па кратка пауза, а потоа уште една рафална стрелба.
– Прво се слушнаа десетина истрели, потоа пауза, па уште десетина. Добро е што ова не се случило во петок, улиците ќе беа полни со луѓе – рекол сведокот.
Според него, звучело како да се користени полуавтоматски оружја.
NEW: Children at a nearby school are escorted out by police after an active shooter was reported at the Islamic Center of San Diego.
2 teen suspects are dead from what appear to be self-inflicted gunshot wounds, according to police.
Officials say at least 3 adult male victims… pic.twitter.com/fTkpiHEas3
— Fox News (@FoxNews) May 18, 2026
ФБИ се вклучи во истрагата
Началникот на полицијата во Сан Диего, Скот Вал, изјави дека ФБИ е вклучено во истрагата и дека случајот се третира како можно злосторство од омраза. Пукањето избувнало непосредно пред пладне по локално време.
Вал потврди дека сите деца кои посетуваат училиште во рамки на Исламскиот центар се безбедни.
BREAKING: 2 suspects killed in Islamic Center of San Diego shooting, threat neutralized — police pic.twitter.com/Ye9QFnRJnk
— Rapid Report (@RapidReport2025) May 18, 2026
„Нема да толерираме терор“
Гувернерот на Калифорнија, Гевин Њусом, изјави дека е згрозен од нападот врз верски центар. „Калифорнија нема да толерира терористички акти или заплашување на религиозните заедници“, објави Њусом.
И претседателот на САД Доналд Трамп реагираше на нападот.
– Добивме првични информации, но ќе го сфатиме ова многу сериозно – изјави Трамп.
Најголемата џамија во Сан Диего
Исламскиот центар во Сан Диего важи за најголема џамија во регионот во близина на мексиканската граница.
На местото на нападот биле испратени десетици полицајци, а ФБИ ги повика граѓаните да достават информации што би помогнале во истрагата.