📽️ ИРАН ОБЈАВИ СНИМКА ОД ЗАПЛЕНУВАЊЕТО НА БРОДОТ Маскирани војници ја презедоа контролата врз „Епаминондас“
Иран објави снимки од запленетите бродови во Ормускиот теснец, откако неговите сили презеле контрола врз два трговски брода. Инцидентите се случиле во рок од неколку часа, додека трет брод бил нападнат и оштетен.
Иранската револуционернагарда (ИРГЦ) објави снимка од запленувањето на товарниот брод „MSC Epaminondas“, кој беше пресретнат вчера во Ормускиот Теснец.
На снимката може да се види како силите на Иран се приближуваат кон трговски брод. Маскирани лица се качуваат и ја преземаат контролата.
Се работи за еден од двата брода што Иран ги запленува за време на вчерашните инциденти во Теснецот.
Според иранската новинска агенција Фарс, која е блиска до Револуционерната гарда, 3 трговски брода биле нападнати за само неколку часа. Бродот „Еуфорија“ бил погоден и се насукал покрај брегот на Иран, додека „MSC Francesca“ и „Epaminondas“ биле запленети и пренасочени кон иранскиот брег.
Компанијата за поморско разузнавање „Вангард“ наведува дека еден од бродовите бил нападнат на околу 6 наутички милји од иранскиот брег, по што му било наредено да се закотви. Било пријавено и оштетување на трупот и сместувачките простори.
The Islamic Revolutionary Guards Corps (IRGC) has released footage of the IRGC-N seizure of the two cargo vessels, the MSC Francesca and the Epaminondas, in the Strait of Hormuz earlier today. Per the White House press secretary, U.S. President Donald J. Trump does not consider… pic.twitter.com/p3z0n2sFz6
— OSINTdefender (@sentdefender) April 22, 2026
Британската агенција УКМТО претходно објави дека врз бродот „Еуфорија“ бил отворен оган западно од Иран, но екипажот не бил повреден.
Иранските медиуми, повикувајќи се на морнарицата на ИРГК, тврдат дека запленетите бродови „работеле без потребните дозволи“ и „ја загрозиле поморската безбедност“.
Белата куќа соопшти дека американскиот претседател Доналд Трамп не ги смета овие потези за кршење на прекинот на огнот и покрај продолжувањето на американската блокада на бродовите што пловат кон иранските пристаништа.
На запленетиот брод „MSC Francesca“ има и четворица црногорски морнари, потврди министерот за поморски работи, Филип Радуловиќ. Тој изјави дека сите членови на екипажот се безбедни и дека преговорите се во тек меѓу бродската компанија и иранската страна.
Според „Индекс“, на бродот се наоѓаат и двајца хрватски морнари.