📽️ „ГРАД ОД ПЧЕЛИ“ ЖИВЕЕ ПОД ГРОБИШТА ВО ЊУЈОРК Откриени 5,5 милиони инсекти на само 1,5 хектари
Научниците открија масовна колонија пчели грчкиот остров Итака. Пчелитe имаат клучна улога во опрашувањето и екосистемот.
Обична прошетка се претворила во научно откритие што ги изненади експертите. Под гробиштата Ист Лоун во Итака во Њујорк се крие огромна колонија од повеќе од 5 милиони пчели.
Оваа бројка е речиси трипати поголема од населението на Менхетен, а се наоѓа на простор од само 1,5 хектари.
Откритието го направила техничарката Рејчел Фордајс од Универзитетот Корнел, која забележала невообичаена активност на инсекти и собрала примерок за анализа.
– Станува збор за видот „Andrena regularis“, познат како рударска пчела – потврдиле научниците.
Гробиштата како засолниште
Истражувањето покажува дека гробиштата создаваат идеални услови за овие пчели.
Нема пестициди. Почвата ретко се нарушува.
Околината е тивка, а земјиштето е песокливо, што им овозможува лесно да копаат тунели и гнезда.
Нема пестициди, има овоштарници
Иако не произведуваат мед, овие солитарни пчели се клучни опрашувачи. Тие играат важна улога во земјоделството и одржувањето на екосистемите.
Се појавуваат рано напролет, токму во време кога цветаат јаболката. Во близина се наоѓаат овоштарници, што им обезбедува изобилство од храна.
Живот под површината
Научниците следеле како функционира ова подземно „општество“. Мажјаците први излегуваат, кога температурите достигнуваат околу 21 степен.
Потоа ги чекаат женките за парење. Регистрирани се и паразитски пчели, познати како „кукавички пчели“.
Тие ги користат гнездата на другите пчели за да ги положат своите јајца.
Ранливи и покрај бројноста
И покрај огромната бројност, овие колонии се исклучително чувствителни. Гнездата се плитки и лесно се уништуваат.
Асфалтирање или градежни работи можат брзо да уништат милиони инсекти. Научниците повикуваат на заштита и пријавување на слични локации.