ПУКАЊЕ ПРЕД ИЗРАЕЛСКИОТ КОНЗУЛАТ ВО ИСТАНБУЛ Еден убиен, четворица ранети
Тројца вооружени со автомаптски пушки го нападнале конзулатот на Израел во Истанбул, при што дошло до престрелка со полицијата.
Еден напаѓач е убиен, а двајца се ранети во пукање пред зградата на израелскиот конзулат во населбата Бешикташ во Истанбул, изјави регионалниот гувернер Давут Ѓул. Турските медиуми објавија дека напаѓачите биле вооружени со автоматски пушки и пиштоли и дека се судриле со полицијата, а престрелката траела повеќе од 10 минути.
– Двајца полицајци се ранети. Еден од терористите е убиен, а другите двајца се ранети и неутрализирани – рече Ѓул.
Турскиот министер за внатрешни работи Мустафа Чифчи потврди дека нападот го извеле три лица.
– Тие пристигнале во Истанбул со изнајмено возило од Измит. Утврдено е дека еден од нив бил поврзан со организација што ја експлоатира религијата. Исто така е утврдено дека двајца од терористите се браќа, а еден од нив има досие за дрога – изјави Чифчи.
Моментално нема стационирани израелски дипломати во Турција, па така и во конзулатот во Истанбул. Турското министерство за правда отвори истрага за престрелката, која траела околу десет минути.
İsrail Konsolosluğu önünde silah sesleri!https://t.co/CLxc6iOmKD pic.twitter.com/VbrxIjdzEp
— Cumhuriyet (@cumhuriyetgzt) April 7, 2026
#SONDAKİKA İsrail Konsolosluğu’nun da bulunduğu binanın önünde gerçekleşen olayda 3 kişi etkisiz hale getirildi. https://t.co/yjVN3JMcl3 pic.twitter.com/sYANmsX9gU
— ENSONHABER (@ensonhaber) April 7, 2026