„ГЛАДИЈАТОРОТ“ НЕ МОЖЕ ДА ПРЕЖАЛИ ШТО ИТАЛИЈА НЕ ОДИ НА СВЕТСКО За Расел Кроу тоа е „темна зора“
Австралискиот актер постојано зборува за својата љубов кон градот Рим, а особено кон фудбалскиот клуб Лацио. Тој тоа го нарече „љубов на прв поглед“.
Легендарниот холивудски актер Расел Кроу го коментираше поразот на Италија од Босна и Херцеговина на својот профил на мрежата X и се прашуваше како можело да се случи тоа.
– Темна зора за Италија. Денот откако не успеаја да се квалификуваат. Повторно. Како е ова можно со толку многу талент? Жал ми е за нацијата“, напиша актерот на X.
Австралискиот актер постојано зборува за својата љубов кон градот Рим, а особено кон фудбалскиот клуб Лацио. Тој тоа го нарече „љубов на прв поглед“.
Ова е трет пат по ред италијанската фудбалска репрезентација да остане без место на Светското првенство во фудбал.
Фудбалската репрезентација на Босна и Херцеговина ја победи Италија во финалето на плејофот по изведување на пенали. Во регуларните 90 минути од натпреварот, резултатот беше 1:1, а головите ги постигнаа Моиз Кин за Италија и Харис Табаковиќ за Босна и Херцеговина. Овој резултат остана во продолжението, односно во дополнителните 30 минути од натпреварот.
По продолженијата, започна изведувањето на пенали, во кое селекцијата на Босна и Херцеговина беше поуспешна со резултат од 4:1, а решавачкиот гол го постигна Есмир Бајрактаревиќ.
Un’alba buia per l’Italia. Il giorno dopo la mancata qualificazione. Di nuovo.
Com’è possibile con così tanto talento? Mi sento male per conto della nazione.
🇮🇹❤️— Russell Crowe (@russellcrowe) April 1, 2026