ОБЛАЧЕН ПОЧЕТОК НА СЕДМИЦАТА, СТАБИЛНО ОД ВТОРНИК Температурите ќе достигнат 16 степени

Времето во понеделник, 9 март, ќе биде променливо облачно, во утринските и претпладневните часови во западните делови ќе има слаб локален дожд. Попладне облачноста ќе се намали. Ќе дува слаб до умерен ветер од југоисточен правец. Температурите ќе бидат во интервал од 1 до 16 степени.

Во Скопје ќе биде променливо облачно, претпадне во делови од котлината ќе има услови за слаб дожд. Ќе дува слаб до умерен ветер од југоисточен правец.

Од вторник следува период на претежно стабилно време. Утрата ќе бидат постудени а преку денот ќе преовладува сончево и релативно топло со мала до умерена облачност.