НЕЗДРАВАТА ХРАНА ВЛИЈАЕ ВРЗ ИНТЕЛИГЕНЦИЈАТА НА ДЕЦАТА Понездрава храна на двегодишна возраст, понизок коефициент на интелигенција (IQ) на возраст од шест-седум години
Авторите на научна студија која го истражувала влијанието на исхраната врз развојот на децата, истакнуваат дека иако студијата е спроведена во Бразил, резултатите имаат глобална релевантност бидејќи ултрапреработената храна е присутна секаде.
Исхраната на возраст од само две години може да влијае врз когнитивниот развој и способноста за учење подоцна во детството, покажува нова студија. Децата што јаделе повеќе ултрапреработена храна на таа возраст имале пониски резултати на тестовите за интелигенција на шест и седум години.
Заклучокот се базира на анализа на податоци од долгорочна студија која ги следи илјадниците деца родени во јужен Бразил, од раѓањето до зрелоста. Во оваа анализа научниците од Универзитетот во Илиноис и Федералниот универзитет Пелотас собрале детални податоци за исхраната на децата на двегодишна возраст, а потоа ги процениле нивните когнитивни способности кога тргнале на училиште.
Два главни модели на исхрана
Наместо да разгледуваат поединечни намирници, истражувачите ја анализирале целата исхрана и издвоиле два од најчестите обрасци. Првиот, кој го опишале како „здрав“, вклучувал грав, овошје, зеленчук, кашички и овошни сокови. Вториот, „нездрав“, се карактеризирал со грицки, инстант тестенини, кекси, слатки, газирани пијалаци, колбаси и друго преработено месо – накратко, претежно ултрапреработена храна.
Резултатот бил јасен – децата чија исхрана на двегодишна возраст била понездрава имале понизок коефициент на интелигенција (IQ) на возраст од шест до седум години.
Повеќе за ова прочитајте на „Мајка и дете“.