🎥 ПОЧИНА АВТОРОТ НА НАЈГОЛЕМИОТ ХИТ НА МАДОНА Били Стајнберг беше еден од најуспешните хит-текстописци од 80-тите и 90-тите
Били Стајнберг, долгогодишен член на Куќата на славните текстописци, почина во Калифорнија на 76-годишна возраст по долга борба со ракот. Иако го напиша нејзиниот најголем хит, единствената средба на Мадона и Били не била воопшто пријатна
Веста дека Били Стајнберг, еден од најуспешните хит-текстописци од 80-тите и 90-тите години, почина, ја потврди неговата адвокатка, Лори Соријано.
Стајнберг имаше многу успешно партнерство со Том Кели, со кого ги напиша песните Like a Virgin (Madonna), True Colors (Cyndi Lauper), Eternal Flame (The Bangles), Alone (Heart), So Emotional (Whitney Houston), I’ll Stand By You (The Pretenders) и други.
Откако Кели се пензионираше во средината на 1990-тите, Стајнберг успешно пишуваше хитови со други партнери, вклучувајќи ги Falling Into You (Celine Dion), Give Your Heart a Break (Demi Lovato) и Too Little Too Late (JoJo).
Били Стајнберг беше примен во Куќата на славните текстописци во 2011 година заедно со Том Кели.
Најпрепознатливиот хит е „Like a Virgin“, со која Мадона помина шест недели на врвот на „Billboard Hot 100“ листата во 1984 година, а која „Rolling Stone“ ја прогласи за четврта најдобра поп-песна на сите времиња.
Били Стајнберг раскажал дека неговата единствена средба со Мадона всушност не била воопшто пријатна.
Еве што раскажал за неа: