НАМАЛЕН Е БРОЈОТ НА ЗАТВОРЕНИ ФИРМИ Бројот на активни фирми порасна на 80.000
Директорката на Централниот регистар Анита Стамнова вели декае во пораст и трендот на фирмите кои електронски поднесуваат завршни сметки
Околу 80 000 компании се активни во земјава, а за 40% е зголемен бројот на оние што електронски поднесуваат сметки, информира денеска директорката на Централниот регистар Анита Стамнова.
Како што истакна Стамнова, одговорајќи на новинарски прашања по прес-конференцијата во Царинската управа, се помала е тенденцијата на бизнисот за работење со документи во хартиена форма.
-Имаме зголемување на бројот на отворени, наспроти затворени компании. Евидентен е интересот кај бизнисот за дигитализирано, електронско работење – потенцира директорката.
На прес-конференцијата беше соопштено дека Царинската управа и Централниот регистар се поврзуваат електронски што ќе значи големо олеснување за граѓаните кои не ќе мораат да шетаат од шалтер на шалтер, туку потребните документи ќе ги добиваат електронски.